वार्ड नं १

कुम्मायक गाउँपालिका वडा नं. १ को कार्यालय कुम्मायक स्थित यासोक बजारमा रहेको छ । यासोक नामाकरण राजा माबोहाङ(बि.स. ९२२-९३९) ले यस क्षेत्रमा बिजय गरी युद्ध अन्त्य भएको बेला हाल कुम्मायक डाडाँको परिसरमा आकाशबाट केही हुनहुनाउदै झरेको आभास पाए । सो आकासबाट सशब्द झरेको वा सवत सहित झरेको ठाउँमा के रहेछ भनी राजा माबोहाङले हेर्दा उक्त ठाउँमा तान बुनिरहेको एक युवती देखे । राजा माबोहाङ एक अध्यात्मिक राजा पनि भएकोले उनले ति युवती युमामाङ भनेर चिनिहाले । तब लिम्बु भाषामा या आयो, सक्तेर- हुनहुनाउदै वा या-यक्तेर शब्दको अपभ्रंसित रुपमाबाट या:सक वा यासोक नामाकरण भएको हो । यासोक शब्द लिम्बु शब्द या:सक बाट आएको शब्द हो । जसको अर्थ हुनहुनाउदै आउनु हुन्छ ।

कुम्मायक गाउँपालिका १ नं. वार्ड यासोकको पुर्वमा आङसराङ गाउँ, पश्चिममा स्यावरुम्बा र तमोर नदी उत्तरमा रानीगाउँ र दक्षिणमा माङजाबुङ र आङ्नागाऊ पर्दछ ।